Wednesday, January 26, 2022
गृहपृष्ठ जिवनशैली को हुने एमाले कञ्चनपुर जिल्ला अध्यक्ष ? यस्तो छ तयारी

को हुने एमाले कञ्चनपुर जिल्ला अध्यक्ष ? यस्तो छ तयारी

कञ्चनपुर,
नेकपा एमाले कञ्चनपुरमा नयाँ नेतृत्वको लागी दुई जनाबीच तिव्र प्रतिस्पर्धा सुरु भएको छ । एमालेले पुस २३ मा कञ्चनपुरको जिल्ला अधिवेशन आयोजना गर्दैछ ।जिल्ला अधिवेशनका लागी प्रतिनिधी छनौट जिल्लाभर लगभग सकिएको छ । प्रतिनिधी छनोट सकिएसंगै जिल्ला अध्यक्षसहित पदाधिकारी र सदस्यमा चुनावी सरगर्मी सुरु भएको हो ।

जिल्लाको अध्यक्षका लागी हालका अध्यक्ष वीरबहादुर थापा, सुरेन्द्र विष्ट र अशोक चन्द मैदानमा उत्रिएका छन् । यद्यपी सहमतिको लागी कोसिस भने जारी छ । अध्यक्षका दावेदार थापा पुनर्वास नगरपालिकाका बासिन्दा हुन भने उनि नेकपा हुंदा समेत कञ्चनपुरको जिल्ला अध्यक्ष थिए । विष्ट हाल जिल्ला सचिवका साथै भीमदत्त नगरपालिकाको मेयर छन् भने अर्का प्रत्यासी चन्द बेदकोट नगरपालिकाको मेयर हुन । उनले यसअघि युवासंघको केन्द्रीय सचिवको जिम्मेवारी सम्हाल्नुका साथै जिल्लाको सचिवालयमा बसेर समेत लामो समय काम गरिसकेका छन् ।

त्यसैगरी उपाध्यक्षमा लक्ष्मी बुढा, चिनि गिरी लगायतको नाम चर्चामा छ । बुढालाई केही समयअघि मात्र एमालेको जिल्ला उपाध्यक्षमा मनोनित गरिएको थियो । गिरी भने दोधाराचाँदनी नगरपालिकाकी उपमेयर हुन । सचिवमा रणबहादुर महरा र राधाकृष्ण जोशीले उठ्ने तयारी गरेका छन् । त्यसैगरी दुई उपसचिवमा फैरु तामाङ, पल्लवराज भट्ट र मोहन रावल,शेरबहादुर चन्द,राजिव खड्का,अक्कल विष्ट र रमेश भट्टले दावी गरिरहेको बताइन्छ ।

एमाले प्रदेश इन्चार्ज लेखराज भट्ट, सहइन्चार्ज कर्ण थापा र प्रदेश अध्यक्ष दामोदर भण्डारी सहमतिमा नेतृत्व टुंगो लगाउने पक्षमा छन् । उनिहरु तिनै जनाले अन्तिम समयसम्म सहमति नभए मात्र निर्वाचनमा जान जिल्ला नेतृत्वलाई निर्देशन दिएको बताइएको छ ।

सहमतिमा नेतृत्व टुंग्याउने अवस्थामा भने जिल्लाको नेतृत्वमा हेरफेर हुने सम्भावना छ । सहमतिमा समेत अध्यक्षमा थापाकै बढी सम्भावना छ । त्यसैगरी उपाध्यक्षमा बुढा,सचिवमा चन्द, उपसचिवमा जोशी र खड्काको सम्भावना बढी छ । हाल सचिव रहेका विष्टलाई प्रदेशतिर लगेर महरा सचिव वा उपसचिव बन्ने सम्भावना समेत रहेको बताइन्छ । त्यसो नभएको खण्डमा उनलाई सचिव बनाएर चन्द उपसचिव बन्ने सम्भावना समेत रहेको एमाले वृतमा चर्चा छ ।

थापालाई केन्द्रीय सदस्य बनाउन यसअघि कोशिस भएपनि अन्तिममा एमाले अध्यक्ष केपी शर्मा ओलीले नै उनलाई एक कार्यकाल जिल्लाकै नेतृत्व गर्न निर्देशन दिएको एमालेभित्र चर्चा छ । तर, उनलाई प्रदेशको पदाधिकारी बनाउन विष्ट निकट नेताहरुको दौडधूप भने जारी नै छ । थापाले भने एक कार्यकाल जिल्ला अध्यक्ष नै बस्ने इच्छा गरेका छन् ।

उनलाई एमाले केन्द्रीय सदस्य कमला बोहरा, युवा संघका पुर्व केन्द्रीय अध्यक्ष वचन बहादुर सिंह, प्रभावशाली नेताहरु जयराज पाण्डे,शेरबहादुर चन्द, मोहन रावल, महेश पन्त,राजीव खड्का,खेम सुवेदी,रामचन्द्र नेपाल,टेकबहादुर हमाललगायतको साथ छ । विष्टको पक्षमा जिल्ला इन्चार्ज निरु पाल,केन्द्रीय सदस्यहरु नरबहादुर धामी,कृपा रानालगायतको सहयोग छ ।

ताजा समाचार

पुनर्वासमा मोटरसाईकल र अटोरिक्सा एकआपसमा ठोकिदा अटो चालकको मृत्यु

जुद्ध चौधरी/पुनर्वास, मोटरसाईकल र अटोरिक्सा एकआपसमा ठोकिदा अटो चालकको ज्यान गएको छ । बुधवार कञ्चनपुरको पुनर्वास नगरपालिका वडा नं. ३ माईली बजारमा दुर्घटना भएको हो ।...

बेलडाँडीमा अवैध बाटोबाट तीन जना कर्मचारी भर्ना, माओवादी केन्द्र बेलडाँडीद्धारा अवैध कर्मचारी भर्ना खारेजीको माग

बेलडाँडी, जिल्लाको दक्षिणी क्षेत्र बेलडाँडी गाउँपालिकामा अबैध कर्मचारी भर्ना गरेको भन्दै नेकपा माओवादी केन्द्र बेलडाँडीले खारेजीको माग अघि सारेको छ । आज कार्यालयका नयाँ अधिकृत संगको...

सुदूरपश्चिममा राष्ट्रिय सभा निर्वाचन सुरु

धनगढी, सुदूरपश्चिम प्रदेशमा राष्ट्रिय सभाको निर्वाचन सुरु भएको छ। अहिले बिहान ९ बजेबाट निर्वाचन सुरु भएको हो। प्रदेश निर्वाचन कार्यालयका अनुसार मतदान दिउसो ३ बजेसम्म...

आज देश भर राष्ट्रिय सभा निर्वाचन हुदै, सुदूरपश्चिमको अवस्था यस्तो छ

कञ्चनपुर, आज देश भर राष्ट्रिय निर्वाचन हुदैछ । सुदूरपश्चिमबाट ५२जना प्रदेशसभा सांसद र अन्य स्थानीयतहका प्रमुख तथा उपप्रमुख गरी जम्मा २ सय २७ जना मतदाता...
5,613LikesLike
14FollowersFollow