Wednesday, July 14, 2021
गृहपृष्ठ अन्तर्राष्ट्रिय समाचार बेलौरी नगरपालिकामा नागरिक सहायता कक्ष सञ्चालन

बेलौरी नगरपालिकामा नागरिक सहायता कक्ष सञ्चालन

बेलाैरी,
कोभिड–१९ को दोस्रो लहरको व्यवस्थापन प्रणाली अन्तर्गत बुधबारबाट बेलौरी नगरपालिका परिसरमा नागरिक सहायता कक्ष सञ्चालन भएको छ ।

महिला नेतृ स्वैच्छिक तवरले सुरु गरिएको सँगसँगै अभियानले बेलौरी नगरपालिका र नेपाल राष्ट्रिय  समाज कल्याण संघ (NNSWA) को सहकार्यमा नागरिक सहायता कक्ष सञ्चालन गरेको हो ।


“कोभिडको समयमा कोभिड संक्रमित तथा दीर्घरोगी र भईपरी आउने स्वास्थ्य समस्या बाट कोहि पनि नागरिकले सास्ती झेल्न नपरोस् भन्ने उद्धेश्यका साथ नागरिक सहायता कक्ष सुरु गरेका हौ”, अभियानका संयोजक लक्ष्मी श्रेष्ठले बताउनुभयो ।

नागरिक सहायक कक्षमा स्वास्थ्य सामग्री तथा सिटामोल, निम्स, जिंक चक्की, भिटामीन सी, भिटामीन डी लगायत औषधी, मास्क, स्यानिटाईजर, ग्लोभ्स, अक्सिमिटर, मास्क आदि राखिएका छन् ।

कार्यक्रमका अर्का अभियन्ता अनुपमा महताराले भने “हामी यो कक्ष मार्फत् हटलाईन नम्बरमा आएका स्वास्थ्य समस्याको समाधान खोज्नमा सहयोग गर्ने, कोभिड संक्रमित व्यक्तिको अवस्था हेरि नगरपालिका स्वास्थ्य शाखासँग समन्वयन गरी आवश्यक सल्लाह दिने, संक्रमित व्यक्तिलाई पोषणयुक्त खानेकुराको व्यवस्था गर्ने, दीर्घकालीन रोगी तथा सम्पर्कमा आएका बिरामीहरुबाट डाक्टरको प्रेस्किप्सन र नगरपालिकाको सहमतिमा घरदैलौमा औषधी पुर्याउने र सम्पुर्ण सहयोगको प्रतिवेदन तथा अभिलेख राख्ने काम गर्नेछौँ” ।

यस्तै अर्का अभियन्ता हिमेश थापाले भने “यो सँगै अभियानले अक्सिजनको जोहो गर्ने, राहत सामग्री दाताको खोजी तथा स्थानीय सरकारसँग समन्वयन गरी वितरण गर्ने बताए ।

हालसम्म बेलौरी नगरपालिकालाई ६ वटा, पुर्नवास नगरपालिकालाई ८ वटा र ईर्मजेन्सि अवस्थामा रहेको ३ जना कोभिड संक्रमित बिरामीलाई ३ वटा अक्सिजन सिलिण्डर सहयोग गरेको छ । अब अभियानले पुर्नवास नगरपालिका, लालझाडी गाउँपालिका र बेलडाँडी गाउँपालिकामा पनि नागरिक सहायता कक्ष लगायत अन्य स्वास्थ्य सामग्री चाँडै नै सहयोग गर्ने योजना बनाएको ̋ अभियान्ता रुपेश वि.क बताउछन् ।

त्यस्तै, NNSWA का बेलौरी शाखा प्रतिनिधि मीरा श्रेष्ठले कोभिड व्यवस्थापनमा सामाजिक उतरदायित्वलाई वहन गर्दै मानवीय सहायता अन्तर्गत यो सहकार्य गरेको बताउनुभयो । “नागरिक सहायता कक्ष अन्र्तगत हटलाईन नम्बरमा आएका जिज्ञासाहरुको व्यवस्थापन गर्ने, कोभिड संक्रमित व्यक्तिलाई आवश्यक सहयोग गर्ने र पालिका आईसोलेसन केन्द्र तथा घरमै आईसोलेसनमा बसेका संक्रमितलाई मास्क, स्यानिटाईजर, ग्लोभ्स, पि.पि.ई सेट, अक्सिमिटर, लामखुट्टे नियन्त्रणका लागि झुल, प्यासेन्ट ट्रली, एन्टिजेन किट, भाईरेक्स पाउडर, पोषणयुक्त खानेकुरा, मेडिकल मास्क, टिस्यु पेपर, साबुन, मञ्जन, दाँत माझ्ने ब्रस आदि चाँडै नै सहयोग गर्ने योजना समेत रहेको जनाईएको छ ।

नागरिक सहायता कक्षका लागि आज सँगसँगै अभियानले एन्टिजेन किट ७५ पिस, भिटिएम १०० पिस, पी.पी.ई सेट १ थान, स्यानिटाईजर ५ लि., ह्यानड स्यानिटाईजर १०० पिस (१२० मि.लि.), मास्क २५ पिस, सर्जिकल मास्क ३०० पिस, एक्जामिनेसन ग्लोभ्स १०० पिस, युटिलिटि ग्लोभ्स १० पिस, अक्सिमिटर १ पिस, डिजिटल थर्मामिटर १ पिस, सिटामोल ५०० ट्याब्लेट, भिटामीन सी ३०० पिस र निम्स २०० ट्याब्लेट सहयोग गरेको छ भने NNSWA ले अटोमेटिक ह्यान्ड स्यानिटाईजर मेसिन १० सेट र स्यानिटाईजर १० सेट (५ लि.) सहयोग गरेको छ ।

प्राविधिक व्यवस्थापनका कारण हटलाईन नम्बर उपलब्ध नभईन्जेलका लागि अभियानले सार्वजनिक गरेको मोबाईल नम्बर ९८६३६४६२५७ मा कोभिडका कारण स्वास्थ्य समस्या परेका जोकोहिले पनि सम्पर्क राख्न सक्नेछन् ।

यो किसिमको सहकार्यको लागि नगरपालिका नगरप्रमुख पोतीलाल चौधरीले NNSWA र सँगसँगै अभियानलाई धन्यवाद दिदै सबैले यसरी नै सहकार्य गरी अगाडि बढ्न सकेको खण्डमा पालिकाको कोभिड व्यवस्थापन अझ सुदृढ हुने बताए । 

ताजा समाचार

ओली पक्ष युवाहरुले गरेको शान्तिपुर्ण आन्दोलनमा प्रहरी हस्तक्षेप, केहि युवाहरु घाइते

कञ्चनपुर, सर्वोच्च अदालतले गरेको परमादेशको बिरोधमा राष्ट्रिय युवा संघ नेपाल र अनेरास्ववियुको महेन्द्रनगरमा बिरोध प्रदर्शन कार्यक्रममा प्रहरीको हस्ताक्षेप गरेको ओली समुहका युवाहरुले आरोप लगाएका छन्...

नयाँ प्रमुख जिल्ला अधिकारीलाई पाण्डेय समाजद्धारा स्वागत

कञ्चनपुर, कञ्चनपुरका नयाँ प्रमुख जिल्ला अधिकारीका रुपमा आउनुभएका राम प्रसाद पाण्डेयलाई जिल्लामा स्वागत गरिएको छ । आज मंगलवार नेपाल पाण्डेय समाज सुदूरपश्चिम प्रदेश समितिले उहाँकै कार्यकक्षमा...

संसद पुर्नस्थापनाको खुसियालीमा बेलडाँडी वाइसियलद्धारा दिपप्रज्वलन

बेलडाँडी, प्रधानमन्त्री केपी शर्मा ओली नेतृत्वको सिफारिसमा राष्ट्रपति विद्यादेवी भण्डारीले दोस्रो पटक संसद विघटन गरेसंगै हिजो सर्वोच्च आदालतले पूर्नस्थापना गरेको खुसीयालीमा आज बेलडाँडी वाईसियलले दिप...

संसद पूर्नस्थापना भएपछि कञ्चनपुरमा दिपावली

विकास महता, प्रधानमन्त्री केपी शर्मा ओली नेतृत्वको सिफारिसमा राष्ट्रपति विद्यादेवी भण्डारीले दोस्रो पटक संसद विघटन गरेसंगै सर्वोच्चले आदालतले पूर्नस्थापना गरेको छ । प्रधानमन्त्री र राष्ट्रपति...
5,613LikesLike
14FollowersFollow