Wednesday, July 14, 2021
गृहपृष्ठ आर्थिक १३० किलो कैलालीकी सानुमाया, टिकटकमा भाइरल

१३० किलो कैलालीकी सानुमाया, टिकटकमा भाइरल

  • 102
    Shares

धनगढी : छोटो भिडिओमै अभिनय क्षमता देखाउन पाइने भएपछि टिकटक यतिबेला निकै लोकप्रिय छ । टिकटक कला प्रस्तुत गर्न उमेरले पनि छेकेको छैन् । बालबालिकादेखि बृद्धबृद्धासम्म टिकटकमा रमाउने गरेका छन् ।

नेपालमा यसका प्रयोगकर्ता बढिरहेका छन् भने सुदूरपश्चिम पनि टिकटकमा बलियो उपस्थिति जनाउन थालेको छ । टिकटक बनाएरै अभिनय क्षमता देखाएका कतिपय त अहिले स्टार भएका छन् । केहीले म्यूजिक भिडिओमा काम पाएका छन् त केहीले चलचित्रमा नै काम गर्ने अवसर पाइसकेका छन् ।

सोही भीडमा होमिएर एक बर्ष अगाडि टिकटक बनाउन थालेकी २९ बर्षीया भावना आचार्य (सानुमाया) पनि अहिले टिकटक सेलिब्रेटीको दर्जा पाउन थालेकी छिन् । टिकटक बनाउन थालेको एक बर्षमै सानुमायालाई दुई लाख ७७ हजार बढिले फलो गरेका छन्  । उनका भिडिओमा ५३ लाखले लाइक छ । एउटै भिडिओ ८ लाख बढिले हेरेका छन् ।

‘सुरुवातको समयमा रमाईलोका लागि मात्रै टिकट बनाउन थालेकी थिए,’ सानुमायाले भनिन्, ‘तर टिकटक भिडिओ पोष्ट गर्दै जाँदा धेरैको साथ सहयोग पाइयो । सकारात्मक प्रतिक्रिया आउँदै गए । अनि भाइरल नै बनाइदिए ।’ उनका अनुसार टिकटक बनाउन सुरु गर्दा उनको तौल एक सय ११ किलो थियो । ‘

टिकटक बनाउँदा छमछमी नाचेपछि तौल पनि घट्छ होला जस्तो लागेको थियो,’ सानुमाया भन्छिन्, ‘तर त्यस्तो भएन् । केही दिन अगाडि तौल मापन गर्दा एक सय ३० किलो देखायो ।’ आफूले टिकटक बनाएपछि मोटोपन भएका व्यक्तिलाई समाजमा खुल्न सहज भएको अनुभव सानुमायाको छ ।

उनी भन्छिन्, ‘मोटो व्यक्तिहरु घर बाहिर आउन पनि लाज मान्ने गरेका छन् । तर मैले टिकटकमा भिडियो बनाउन थालेपछि त्यस्ता व्यक्तिलाई सहज भएको छ ।’ सानुमाया एक छोरीकी आमा हुन् । कैलालीको सहजपुर माइती घर भएकी उनको घर कैलालीकी टीकापुरमा छ । उनी टीकापुरमै व्यवसाय गर्दै आएकी छिन् भने फुर्सदको समयमा टिकटक बनाउने गरेकी छिन् ।

  • 102
    Shares

ताजा समाचार

ओली पक्ष युवाहरुले गरेको शान्तिपुर्ण आन्दोलनमा प्रहरी हस्तक्षेप, केहि युवाहरु घाइते

कञ्चनपुर, सर्वोच्च अदालतले गरेको परमादेशको बिरोधमा राष्ट्रिय युवा संघ नेपाल र अनेरास्ववियुको महेन्द्रनगरमा बिरोध प्रदर्शन कार्यक्रममा प्रहरीको हस्ताक्षेप गरेको ओली समुहका युवाहरुले आरोप लगाएका छन्...

नयाँ प्रमुख जिल्ला अधिकारीलाई पाण्डेय समाजद्धारा स्वागत

कञ्चनपुर, कञ्चनपुरका नयाँ प्रमुख जिल्ला अधिकारीका रुपमा आउनुभएका राम प्रसाद पाण्डेयलाई जिल्लामा स्वागत गरिएको छ । आज मंगलवार नेपाल पाण्डेय समाज सुदूरपश्चिम प्रदेश समितिले उहाँकै कार्यकक्षमा...

संसद पुर्नस्थापनाको खुसियालीमा बेलडाँडी वाइसियलद्धारा दिपप्रज्वलन

बेलडाँडी, प्रधानमन्त्री केपी शर्मा ओली नेतृत्वको सिफारिसमा राष्ट्रपति विद्यादेवी भण्डारीले दोस्रो पटक संसद विघटन गरेसंगै हिजो सर्वोच्च आदालतले पूर्नस्थापना गरेको खुसीयालीमा आज बेलडाँडी वाईसियलले दिप...

संसद पूर्नस्थापना भएपछि कञ्चनपुरमा दिपावली

विकास महता, प्रधानमन्त्री केपी शर्मा ओली नेतृत्वको सिफारिसमा राष्ट्रपति विद्यादेवी भण्डारीले दोस्रो पटक संसद विघटन गरेसंगै सर्वोच्चले आदालतले पूर्नस्थापना गरेको छ । प्रधानमन्त्री र राष्ट्रपति...
5,613LikesLike
14FollowersFollow