Friday, September 30, 2022
गृहपृष्ठजिवनशैलीमाओवादी केन्द्रका वडा अधिवेशन शुरु, भीनपा १८ जोशी नेतृत्वमा वडा कमिटि विस्तार

माओवादी केन्द्रका वडा अधिवेशन शुरु, भीनपा १८ जोशी नेतृत्वमा वडा कमिटि विस्तार

पुष्कर भट्ट
नेकपा माओवादी केन्द्रको आगामी पुषमा हुने राष्ट्रिय अधिवेशनको तयारी स्वरुप कञ्चनपुरमा समेत शनिबारदेखि वडा सम्मेलन शुरु भएका छन । शनिबार कञ्चनपुरका ९ वटै पालिकामा वडा अधिवेशन शुरु भएका हुन । केही वडाहरुमा अधिवेशन प्राविधिक कारणले शनिबार हुन नसकेपनि एकदुई दिन पछि सम्मेलन हुने नेकपा माओवादी केन्द्र कञ्चनपुरले जनाएको छ । नेकपा माओवादी केन्द्र कञ्चनपुरका जिल्ला सदस्य बिरेन्द्र राज विष्टले पार्टीको राष्ट्रिय अधिवेशन अन्र्तरगत शनिबार कञ्चनपुर जिल्लाभरी सहित देशभरी वडा सम्मेलन एकसाथ शुरु भएको बताए । जिल्लाको भीमदत्त नगरपालिका १८मा वडा सम्मेलन सम्पन्न भएको छ । जिल्लामै पहिलो पटक शुरुमै भीनपा १८को सम्मेलन सम्पन्न भएको हो । सहमतीय आधारमा वडामा नेतृत्व चयन गरिएको छ । उक्त वडामा अधिवेशन गराउनका लागि माओवादी केन्द्र जिल्ला सदस्यद्वय बिरेन्द्र राज विष्ट र आनन्द सिह धामीलाई दिएको थियो ।
नेकपा माओवादी केन्द्र भीमदत्त नगरपालिका १८को वडाध्यक्षमा गंगादत्त जोशीको अध्यक्षतामा २९सदस्यीय वडा कमिटि विस्तार भएको छ । उपाध्यक्ष प्रकास सुनार, सचिव लक्ष्मी पनेरु, सह सचिव राजु नेपाली, कोषाध्यक्ष पवित्रा शाही रहेका छन । नेकपा माओवादी केन्द्र भीनपा १८का नवचयन अध्यक्ष गंगादत्त जोशीले पार्टीलाई चुस्तदुरुस्त ढङगबाट अघि बढाउने प्रतिबद्धता जाहेर गरेका छन । नेकपा माओवादी केन्द्र जिल्ला अन्य वडाहरुमा समेत वडा अधिवेशन जारी रहेको छ ।

ताजा समाचार