Friday, September 30, 2022
गृहपृष्ठजिवनशैलीनेवि संघ नेता कलौनी भीमदत्त नगरको सभापतिको दौडमा

नेवि संघ नेता कलौनी भीमदत्त नगरको सभापतिको दौडमा

पुष्कर भट्ट/कञ्चनपुर,
नेपाल विद्यार्थी संघका चर्चित युवा नेता अच्यूतराज कलौनी नेपाली काँग्रेंस भीमदत्त नगरको सभापतिको दौडमा देखिएका छन । नेपाली काँग्रेसको आशन्न १४औँ महाधिवेशन अन्र्तरगत भदौँ २७ गते हुने नगर सम्मेलनका लागि विद्यार्थी नेता कलौनी भीमदत्त नगरको सभापतिका लागि देखिएका हुन ।
दुई दशकदेखि नेवि संघको राजनीतिमा होमिएका कलौनीले यस पटक पनि काँग्रेस भीमदत्त नगरको सभापतिको दौडमा छन । दुई पटक नगरको सभापतिका लागि तयारी गरेका कलौनीले तेस्रो पटक सफता हुने अपेक्षा राखेका छन । १२औँ महाधिवेशनदेखि उनी भीमदत्त नगरको पार्टी सभापतिका लागि आँकाक्षी थिए । उतिबेला सहमतीय आधारमा नेतृत्व चयन भएसंगै उनी ब्याक भएका थिए । १३ औँ महाधिवेशनमा पदम राज अवस्थीसंग पराजित भएका कलौनीले यस पटक फेरी नगर सभापति ताकेका छन ।
०५७ सालदेखि नेवि संघ राजनीतिमा होमिएका कलौनी कञ्चनपुरदेखि काठमाण्डौँसम्म विद्यार्थीमा लोकप्रियका रुपमा देखिएका छन । विद्यार्थी मात्र नभई उनले पार्टीमा समेत युवादेखि जेष्ठ सबैसंगै सभापतिका लागि सहयोगको अपिल गरिरहेका छन । ०५७ सालमा नेवि संघ रेडियन्ट उमाविको ईकाइ अध्यक्षबाट राजनीतिक यात्रा तय गरेका कलौनी ०५६ सालमा सिद्धनाथ विज्ञान क्याम्पस इकाई अध्यक्ष, ०६२ सालमा विज्ञान क्याम्पसकै सभापतिको उम्मेदवार भए । नेवि संघ कञ्चनपुर जिल्ला सभापतिदेखि उनी हाल निर्वतमान नेवि संघ केन्द्रीय समितिको सहमहामन्त्रीको जिम्मेबारीमा रहेर काम गरिसकेका छन । लोकतन्त्र पुर्नबहालीका लागि गरिएको दोस्रो जनआन्दोलन ०६२÷०६३मा होमिएका बेला उनलाई तत्त्कालिन सरकारले राजनीतिक हिरासतमा राखेको थियो । सुप विश्वविद्यालय स्थापनादेखि यस क्षेत्रको शैक्षिक विकास तथा विद्यार्थी हक अधिकारका लागि प्रत्यक्ष रुपमा संघर्षमा उत्रिएका कलौनी विद्यार्थीमा लोकप्रिय नेताका रुपमा चिनिन्छन । विज्ञान विषयमा स्नातक गरेका कलौनी नेवि संघकै राजनीतिमा लागिले थप शिक्षा हासिल गर्न फुलस्टप लाग्यो ।
‘म पार्टीभित्र देखिएको गुट उगपुटको बिरोधी हुँ, बिरोध पनि गर्छु, ‘उनले भने, ‘खास गरेर मेरो उम्मेदवारी काँग्रेसलाई जनताको घर घरमा पु¥याउँदै पार्टीलाई चलायमान गर्नका लागि हो ।’ काँग्रेस कमजोर भए लोकतन्त्र कमजोर हुने लोकतन्त्र कमजोर भए जनता कमजोर हुने भएकाले काँग्रेसलाई बलियो बनाउँदै जनतालाई बलियो बनाउँदै नगरकै हितका लागि सभापतिका लागि ईच्छा प्रकट गरेको बताए । ‘मैले साथिभाई पार्टीपङक्ति एव आम जनताको साथ सर्मथनछ, ‘उनले भने, ‘सबैलाई एक ढिक्का बनाएर अघि बढ्छु ।’ भदौँ २७ गते हुने काँग्रेस भीमदत्त नगरको सम्मेलनमा सभापतिको उम्मेदवार भएकाले जितेपछि नगरको पार्टीलाई पूर्ण एक ढिक्का बनाएर जनहितका काममा होमिने कलौनीको प्रतिबद्धताछ ।

ताजा समाचार