Friday, September 30, 2022
गृहपृष्ठजिवनशैलीतस्करका अवैध समान सशस्त्र प्रहरीद्वारा बरामद

तस्करका अवैध समान सशस्त्र प्रहरीद्वारा बरामद

खडक रावल
भारतबाट गैर कानुनी रुपमा तस्करी गरि नेपाल भित्रिएका तस्करका अवैध समान सशस्त्र प्रहरीले बरामद गरेको छ । सशस्त्र प्रहरी दोधारा बोर्डर आवट पोष्टको टोली लकडाउनका बेला अवैध रुपमा ओसारपोसार गरिरहेको अवस्थामा बरामद गरेको हो ।
सशस्त्र प्रहरी बल ३५नम्बर गण् शैलेश्वरीका अनुसार दोधारा, गडड्डाचौकीबाट सशस्त्र प्रहरीको टोलीले सूर्ति, बिडी, चिनी, गुट्खा, साईकल, प्रतिबन्धीत माछा र काठ सहित बरामद गरेको छ । झण्डै १ लाख २५ हजार १७०रुपैया बराबरको अवैध समान बरामद गरि भन्सार र वन कार्यालयमा बुझाएको छ ।
कोरोना महामारीको चेन तोड्नका लागि सशस्त्र प्रहरीले भारतसंग सीमा जोडिएको दोधाराचाँदनी क्षेत्रमा उच्च कडाई गरेको छ । लकडाउन प्रभावकारी बनाउनेदेखि गैर कानुनी गतिबिधी नियन्त्रण गर्दै आएको छ ।
सशस्त्र प्रहरीले जनताको जिउधन सुरक्षाका लागि अहोरात्र खटिएको कामप्रति केही तस्कर समुह बाहेक स्थानीयले प्रससा गरिरहेका छन । दोधारामा रहेका सशस्त्र प्रहरीले महामारीका बेला जनताको सुरक्षाका लागि गरेका कामको जनप्रतिनिधीले समेत प्रसंसा गरेका छन । जनप्रतिनिधी एव नागरिक समाजले सशस्त्र प्रहरीलाई महामारीका बेला सघाउनुपर्नेमा जोडदिएका छन । सशस्त्र प्रहरीले महामारीका बेला अवैध गतिबिधी नगर्न र लकडाउनको पालाना गर्न आब्हान गर्दै आएको छ ।

ताजा समाचार