Friday, September 30, 2022
गृहपृष्ठजिवनशैलीशैक्षिक विकृती बिरुद्ध अखिल क्रान्तिकारी विद्यार्थीको संगठन अभियान शुरु

शैक्षिक विकृती बिरुद्ध अखिल क्रान्तिकारी विद्यार्थीको संगठन अभियान शुरु

दिपक राज अवस्थी
अखिल क्रान्तिकारी कञ्चनपुरले संगठन विस्तार एव शैक्षिक विकृती बिरुद्ध अभियान संचालन गरेको छ । आइतबारदेखि नेकपा माओवादी केन्द्र निकट अखिल क्रान्तिकारी कञ्चनपुरले जिल्लामा सगठन विस्तार एव शैक्षिक विकृती बिरुद्ध अभियान शुरु गरेको हो । आइतबार एकै दिन क्रान्तिकारीले भीमदत्त नगरपालिका क्षेत्र दुई उच्च माध्यामिक विद्यालयमा संगठन विस्तार गरेको छ ।
अखिल क्रान्तिकारी कञ्चनपुरका सचिव एव नेता किशोर प्रशाद भट्टले शैक्षिक विकृती बिरुद्ध क्रान्तिकारीले जिल्लाभरी संगठन विस्तार एव संगठन सुदृढिकरण अभियान संचालन गरिएको बताए । उनका अनुसार आइतबार एकै दिन भीमदत्त नगरपालिका उत्तरी क्षेत्रका विद्यालयमा संगठन विस्तार गरिएको छ । त्रिभुवन उमाविमा मनोज भुलको अध्यक्षमा २९ सदस्यीय अखिल क्रान्तिकारी विद्यालय इकाई कमिटि र सिद्धनाथ उमावि जिमुवामा बसन्ती जोशीको अध्यक्षतामा २१ सदस्य सदस्य क्रान्तिकारी विद्यालय इकाई कमिटि विस्तार गरिएको क्रान्तिकारी कञ्चनपुरका सचिव भट्टले बताए । अखिल क्रान्तिकारी कञ्चनपुरका अध्यक्ष बिरेन्द्र राज विष्ट, उपाध्यक्ष कैलाशचन्द्र गिरी, सचिव किशोर भट्ट, कोषाध्यक्ष सुरेश भट्ट सहितका विद्यार्थी नेताहरुले प्रशिक्षण दिएका थिए । क्रान्तिकारीले कोरोना नाममा शैक्षिक क्षेत्रमा गरेको फजुल खर्चदेखि सबैखाले शिक्षामा देखिएका अनियमितता बिरुद्ध सघंर्षको चेतावनी दिएको छ ।

ताजा समाचार