Tuesday, August 16, 2022
गृहपृष्ठजिवनशैलीयुवतीलाई झुण्डाएर मारेको आरोपमा द्रुरुत्साहन मुद्दा दर्ता

युवतीलाई झुण्डाएर मारेको आरोपमा द्रुरुत्साहन मुद्दा दर्ता

भीमदत्तनगर

भीमदत्तनगर पालिकाको वडा नं.–१० तिलकेनी घर भएकी वर्ष २२ की जयन्ती जोशी (अवस्थी)लाई झुण्डाएर मारेको माईती पक्षले आरोप लगाएका छन् । चैत्र ४ गते विहान झुण्डिएको अवस्थामा फेला पारे पछि माईती पक्षलाई विहान ५ बजे खबर गरेका थिए ।

No description available.

मटेना–९ माईत घर भएकी जयन्तीको २०७७ मंसिर २२ गते तिलकेनी घर भएका वर्ष २५ का प्रकाश अवस्थी सँग ४ महिना अघि मात्र विवाह भएको थियो । केटा इन्डियामा काम गर्छ भनेर केटाको बुवाले झुकाएर विवाह गरेको, केटालाई इन्डियाको सुधार गृहमा राखेर ल्याएको तिन दिनमा केटा इन्डिया काम गर्छ भन्दै केटाका बुवा गणेश अवस्थी छोरी मागन आएको र आफुहरुले पनि विश्वास गरेर छोरी दिएको मृतक जयन्तीकी आमा मानमतीले बताइन ।

केटाले नशा सेवन गरेर विवाह भएको ३/४ दिनमै छोरीलाई यातना दिन लागे पछि पटक–पटक माइत आउने गरेको र फागुन २६ गते घरमा श्राद्ध छ भनेर ससुराले बोलाएर लगेको ९ दिनमै हत्या भएको माइती पक्षले आरोप लगाएका छन् । बुवाले झुकाएर विवाह गरी दिएको र छोराले मारेको भन्दै प्रहरी समक्ष किटानी मुद्दा दर्ता गराउन खोज्दा प्रहरीले मारेको किटानी मुद्दा दर्ता नगरी द्रुरुत्साहन मुद्दा दर्ता गरेको बताए ।

स्थानिय गणेश बहादुर बम र केशव पालले लाशलाई धेरै दिन सम्म राख्दा सडने, गनाउने हुनाले शवलाई बुझी दाह संस्कार गर्नु पर्ने र दोषी भए उम्कन नहुने र निर्दोष फस्न नहुने बताए प्रहरीले छान विन गर्दै गर्छ तर शवलाई धेरै दिन नराखी हिन्दु परम्परा अनुसार दाह संस्कार गर्नु पर्नेमा जोड दिए । माइती पक्षले अहिले सम्म शव बुझन नमान्दा शव महाकाली अस्पतालमा नै रहेको थियो मुद्दा दर्ता पछि आपन्तले शव बुझन मानेका छन् । जिल्ला प्रहरी कार्यालय कञ्चनपुरका प्रवक्ताले द्रुरुत्साहन मुद्दा दर्तागरी छनविन प्रकिया अगाडी बढाएको र लाश पोष्टमार्टम गरी शव बुझने सहमती भएको बताए ।

ताजा समाचार